సుగుణాల సంపన్నుడా – స్తుతి గానాల వారసుడా
జీవింతును నిత్యము నీ నీడలో
ఆస్వాదింతును నీ మాటల మకరందము

1. యేసయ్య నీతో జీవించగానే
నా బ్రతుకు బ్రతుకుగా మారేనులే (2)
నాట్యమాడేను నా అంతరంగము
ఇది రక్షణానంద భాగ్యమే  (2)  ||సుగుణాల||

2. యేసయ్య నిన్ను వెన్నంటగానే
ఆజ్ఞల మార్గము కనిపించెనే (2)
నీవు నన్ను నడిపించాగలవు
నేను నడవవలసిన త్రోవలో (2) ||సుగుణాల||

3. యేసయ్య నీ కృప తలంచగానే
నా శ్రమలు శ్రమలుగా అనిపించలేదే (2)
నీవు నాకిచ్చే మహిమ ఎదుట
ఇవి ఎన్నతగినవి కావే (2) ||సుగుణాల||

Back to list | Sunday Songs
Listen to this Song on YouTube